Կրթություն
Ավագ դպրոցի մասին
Ճեմարանի Ավագ դպրոցում 11-12-րդ դասարաններում ուսուցումը կազմակերպվում է Հեղինակային ծրագրով՝ առարկաների լայն ընտրությամբ տարբերակված հոսքերով և/կամ Միջազգային բակալավրիատի Դիպլոմային ծրագրով՝ անգլերենով:
Ավագ դպրոցում ուսումնական գործընթացի անբաժան մաս են կազմում արտաուսումնական տարաբնույթ միջոցառումները (համերգներ, անվանի մարդկանց հետ հանդիպումներ, դասընթացներ, սեմինարներ, այցելություններ տարբեր կազմակերպություններ՝ մասնագիտական կողմնորոշման նպատակով), կամավորական աշխատանքը, սովորողների խորհուրդի գործունեությունը:
Ավագ դպրոցի Հեղինակային ծրագրում կիրառվում են ՀՀ պետական և առարկայական չափորոշիչների, ինչպես նաև ճեմարանի հեղինակային կրթական ծրագրի պահանջները, որն ապահովում է ժամանակակից պահանջներին համապատասխան, մրցունակ կրթություն: Կրթական ծրագիրը մշտապես բարելավվում է Ճեմարանի աշխատակիցների և հենց ուսանողների մասնակցությամբ, ինչի ապացույցն են առարկայական նորությունները, ուսանողական պրակտիկան, առաջարկվող նոր առարկաները և այլն։
ՄԲ Դիպլոմային ծրագիրը, ճեմարանական մատուցմամբ, բարդ և պահանջկոտ ակադեմիական ծրագիր է, որը խտացնում և ամփոփում է ՄԲ ծրագրերի հետ սովորողի ճամփորդությունը։ Դիպլոմային ծրագիրն առաջարկում է միջազգայնորեն ընդունված կրթություն, որը ճանաչված է աշխարհի բազմաթիվ համալսարանների կողմից: Դիպլոմային ծրագրի հիմքում ընկած ծավալուն էսսեն, իմացության տեսությունն ու CAS-ը սովորողներին լավագույնս պատրաստում են իրական կյանքին և ուսումնառության ճանապարհի հաջող շարունակությանը։
![Հեղինակային ծրագիր Հեղինակային ծրագիր](https://www.shirakatsy.am/storage/files/untitled-design-4_4.png-550x_-quality(100)-webp(75)-o(png).webp?token=4d728e322285ebb6cc180bab856bf943)
Ավագ դպրոցում սովորողի ուսումնական գործընթացը կազմակեպվում է ՝ ըստ վերջինիս կարիքների և նախասիրությունների։ Սովորողները ուսումնական պլանի սահմանած ժամաքանակի սահմաններում իրավունք ունեն ընտրելու երեք խորացված առարկաներ 11-րդ և երկուսը՝ 12-րդ դասարանում։
![Դիպլոմային ծրագիր Դիպլոմային ծրագիր](https://www.shirakatsy.am/storage/files/photo-2023-06-30-11-13-44.jpg-550x_-quality(100)-webp(75)-o(jpg).webp?token=042d96c07a82ac6f65b114ecd109a8e8)
Միջազգային բակալավրիատի Դիպլոմային ծրագիրը (IB DP) նախատեսված է ինչպես Հայաստանի Հանրապետության, այնպես էլ օտարերկրյա քաղաքացիություն ունեցող, 10-րդ դասարանն ավարտած դպրոցականների համար: ՄԲԴԾ-ում ուսումն իրականացվում է անգլերենով:
Ճեմարանի շրջանավարտների՝ համալսարաններ ընդունելությունը՝ ըստ երկրների
Ե՛վ Հեղինակային, և՛ Դիպլոմային ծրագրի շրջանավարտները բարձր ցուցանիշներով և կրթաթոշակներով ընդունվում են Հայաստանի և աշխարհի լավագույն բուհերը:
Ստորև ներկայացված է 2023թ.-ի ընդունելությունն՝ ըստ երկրների բաշխվածության։
![Ճեմարանի շրջանավարտների՝ համալսարաններ ընդունելությունը՝ ըստ երկրների Ճեմարանի շրջանավարտների՝ համալսարաններ ընդունելությունը՝ ըստ երկրների](https://www.shirakatsy.am/storage/files/2023-yndunelutyun2023.jpg-800x_-quality(100)-webp(75)-o(jpg).webp?token=63038b325b317d0a9a059fa591a9d6de)
.
Շիրակացու պառլամենտը (ShiP) ստեծվել է որպես ճեմարանականներից մեկի նախագիծ, իսկ 2023-ին Շիրակացու պառլամենտը մեկնարկեց արդեն 12-րդ նստաշրջանը:
ShiP-ի նպատակն է հնարավորություն տալ սովորողներին բարձրաձայնել իրենց կարծիքը, վեր հանել խնդիրները և փորձել գտնել դրանց լուծումները: Սովորողները պառլամենտի շրջանակներում հանդես են գալիս համապատասխան հանձնաժողովների կազմում, կենտրոնանում են որևէ հստակ ոլորտի վրա, ուսումնասիրում են տվյալ ոլորտի խնդիրները և առաջարկում են լուծումները: Հանձնաժողովները, Սովորողների խորհրդի հետ համատեղ, իրականացնում են առաջարկված լուծումները։
![Շիրակացու պառլամենտ Շիրակացու պառլամենտ](https://www.shirakatsy.am/storage/files/4.png-1024x_-quality(100)-webp(75)-o(png).webp?token=3905259e009c1ae34ae7a46f81bf4a18)
Սովորողների խորհուրդն ունի հստակ նպատակ․ իրականացնել այնպիսի նախագծեր, որոնք կդարձնեն սովորողների առօրյան ավելի բազմազան և բովանդակալից: Սովորողների խորհրուրդը նաև ստեղծում և պահպանում է կապը սովորողների և տնօրենության միջև, որը հնարավորություն է տալիս բարձրացնել համայնքում առկա խնդիրները և փորձել համատեղ լուծել դրանք։
Յուրաքանչյուր ուսումնական տարի անաչառ քվեարկության արդյունքում ընտրվում է Սովորողների նոր խորհուրդ: Կազմը բաղկացած է 6 անդամից՝ 2 համանախագահ` աղջիկ և տղա, արտաուսումնական միավորումների, մարդկային ռեսուրսների, հասարակայնության հետ կապերի և մեդիայի, ինչպես նաև արտաքին կապերի համակարգողներ:
![Սովորողների խորհուրդ Սովորողների խորհուրդ](https://www.shirakatsy.am/storage/files/5.png-1024x_-quality(100)-webp(75)-o(png).webp?token=4eee144581ac0fdba986d8c2f16593e1)