Ճեմարանում նշվում է Կանանց միջազգային օը՝ Մարտի 8-ը:

• 2002-2003 ուստարվա աշխարհագրության հանրապետական օլիմպիադան կազմակերպվում և անցկացվում է ճեմարանում:
• 2002-2003 ուստարվա քիմիայի հանրապետական օլիմպիադան կազմակերպվում և անցկացվում է ճեմարանում:
• Տնօրեն Աշոտ Ալիխանյանը հաղթող է ճանաչվում ACCELS-ի (Միջազգային կրթական ամերիկյան խորհուրդներ) ծրագրի շրջանակում ԱՊՀ երկրների միջնակարգ դպրոցների տնօրենների համար նախատեսված «Համագործակցություն և ասպարեզում» մրցույթի մեկնարկը` մասնակցելու սեմինարներին:
• Մեկնարկում է  վեցերորդ  «Շիրակացու օրեր» ավանդական փառատոնը:

• Տնօրեն Աշոտ Ալիխանյանը այցելում է Ֆրանսիայի կրթական հաստատություններ և հայկական վարժարաններ: Ֆրանսիայում ՀՀ  դեսպանի միջոցով տնօրենը աշխարհահռչակ երգիչ Շառլ Ազնավուրին է փոխանցում ճեմարանի «Անբասիր ծառայությունների համար» մեդալը:
• «Սահմանադրություն և իրավունք» հանրապետական չորրորդ օլիմպիադան է կազմակերպվում և անցկացվում ճեմարանում:
• Ճեմարանի  տասնմեկերորդ շրջանավարտների «Վերջին զանգ» հանդիսությունն է տեղի ունենում ճեմարանի դահլիճում:

• 2002-2003 ուստարվա ոսկե մեդալակիրներ են դառնում Արփինե Ափյանը,  Գայանե Իգիթյանը, Գայանե Ծառուկյանը, Լևոն Նուրբեկյանը:
• Ճեմարանի  տասնմեկերորդ  շրջանավարտների ավարտական  երեկոն  է տեղի ունենում ճեմարանի  ճաշարանի սրահում: 

Լևոն Նուրբեկյանը դառնում է մաթեմատիկայի համաշխարհային օլիմպիադայի բրոնզե մեդալակիր.

Ճեմարանի շրջանավարտ Հրաչուհի Քերոբյանը ընդունվում է Անգլիայի Քեմբրիջի համալսարան:

• ՀՀ  ԿԳՆ  ԾԻԳ-ը  ճեմարանի  հայոց լեզվի և գրականության ամբիոնի վարիչ Թամար Ալեքսանյանին ընդգրկում է հանրակրթության նոր կրթակարգի և առարկայական չափորոշիչների մշակման աշխատանքային խմբում:
• Հանքավանի «Հեքիաթ»  ճամբարում նշվում է Ուսուցչի տոնը:
• Ճեմարանի հիմնադիր տնօրեն Աշոտ Ալիխանյանը պարգևատրվում է  ՀՀ նախագահի  կողմից տրվող  «Մովսես  Խորենացի» մեդալով:

• Ճեմարանում անցկացվում է թոք-շոու արվեստի վերաբերյալ:
•  Ճեմարանում հանդիպում են շրջանավարտները:

«Շիրակացու օրեր» ավանդական փառատոնի փակման արարողության ժամանակ ճեմարանի թատերական ստուդիան (ղեկավար Գարիկ Ղազարյան) ներկայացնում է առաջնախաղ՝ Շիրվանզադեի «Մորգանի խնամին» կատակերգությունը: